بحبك يا مصر انا عارف كدة كويس بس قليل اوي لما بحس بكدة لما تحصل حاجة تحسسني بمدي الحب ده وبصراحة بقالي مدة مش عارف احبك غير في الكورة …. اكيد ده غلط واكيد ده حب قليل عليكي بس حعمل ايه معادتش حاجة تجمع غيرها نقول لا !!!!
الكورة الحاجة الوحيدة اللي مفيهاش مستحيل الحاجة الوحيدة اللي ممكن فيها ننتصر علي الدول العظمي …. تخيلوا ممكن نكسب امريكا ! قولوا يا رب … ونكسب ايطاليا بطلة العالم واحنا ابطال افريقيا كورة بلا منطق وحساب ونحن اثبتنا اننا نكره المنطق والحساب ووجع الدماغ !ان تحرز ثلاثة اهداف في مباراة واحدة في مرمي البرازيل .. انجاز … اما ان نفوز علي ايطاليا ولتعلم انه الفوز الافريقي العربي الاول في التاريخ علي الفريق الايطالي فهذه هي المعجزة في زمن لا يعرف المعجزات … في النهاية نتأهل للدور الثاني او لا … نتأهل لكأس العالم او لا … لا يهم … شكرا حسن شحاتة .. شكرا حضري .. شكرا لكل الابطال الذين لا يكتفون بالجلوس والنقد الهدام وانما يعملون والفعل ابلغ من الكلام
 |
واشكر كذلك المعلق الليبي حازم الكاديكي الذي جعلنا نبكي جميعا اما الكابتن محمود بكر جعلني اشعر اني اشاهد مباراة الزمالك وبترول اسيوط !
