طوز في الثانوية العامة !
كتبهااحمد عرفة ، في 1 يوليو 2009 الساعة: 12:27 م
انا حاليا طالب في الجامعة .. بمعني اخر مريت علي ما تسمي الثانوية العامة ومريت معاها بكل مراحل الفشل والضياع اللي مكن كان حد يقابلها في حياته بدأت من اول سنة اولي ابتدائي حيث لم ادخل كي جي وان ولا تو لاسباب غامضة … من اولي ابتدائي لحد دلوقتي حاسس ان امواج المراحل التعليمية بتتقاذفني من غير ارادة مني وعمري بيمر امبارح كان عمري 6 سنين والنهاردة عمري عشرين يا تري ايه اللي حصل خلال السنين دي كلها ؟ 14 سنة خدمة في مدارس وجامعة اولي تسلمني لتانية وتانية لتالتة وابتدائي علي اعدادي لثانوي لجامعة .. كل ده بشكل ممل ومتكرر ومحفوظ ومعد سلفا مفيش اي جديد في الحياة ولا ابتكار ولا تغيير السنة دي زي اللي قبلها واللي بعدها قبل الامتحان بشهر ابدأ امسك كتب وورق وادخل الامتحان ببركة دعا الوالدين وكل سنة وانت طيب !
خلال سنين عمري التعليمية انا هادي لا اتأثر ولا اخاف لا من لا من الامتحان ولا النتيجة حتي جاءت هي … بعبع الاسرة المصرية المزعومة … الثانوية العامة اول حيرة تقابلها ادخل علمي ولا ادبي ولو علمي رياضة ولا علوم ولو علوم ابدأ بكيميا ولا احياء ؟؟؟؟؟؟
وتقعد تسأل وكله بكلام وابوك الديمقراطي يقولك انت حرانا كالعادة نشفت دماغي ودخلت احياء لاني كان نفسي ادخل كلية الطب !!!!!
ومع كل يوم مر من الثانوي كان حلم الطب بيبعد لحد ما سألني شخص اثق فيه انه يعرفني كويس قاللي نفسك تدخل كلية ايه ؟ قولتله طب … ضحك ساخرا هههه طب من بقك !!!!! لاغرق في دوامة الاحباط لتكون النتيجة مخيبة للامال لا تصلح لادخل بها معهد سيكلم لأحول ادبي ولا اذاكر شيئا ولا اخاف لاحصل في النهاية علي مجموع لم احققه طوال عمري يومها لم اسعد لاني لمت نفسي لاني لم ادخل ادبي من البداية وعندما دخلت الكلية وجدت انها لا تفرق كثيرا طب من حقوق وهندسة من آداب وان الثانوية العامة ما هي الا وهم كبير صنعناه لنخاف منه ونتصور انه تقف احلامنا عنده والان اندهش واضحك من اولياء الامور والطلبة الذين يغشي عليهم ويبكون بل وينتحرون بسبب هذه الثانوية … ان الثانوية العامة تعد في مصر رمزا للجهل والتخلف والجمود وسيظل الخوف من شبح- الثانوية العامة علامة علي ضعفنا واننا اجبن من ان نواجه ولكن يستغير نظام الثانوية العامة هذا لنظام جديد لا اهمية فيه لا للامتحان ولا لمكتب التنسيق ويومها سيكون الامر كله مرده للمال والواسطة وإنا لله وإنا إليه راجعون !!!!
ـــــــــــــــــــــــــــــــــــــــــــــــــــــــــ
التصنيفات : ادب, ثقافة, حب, خواطر, دين, رياضة, سياسة, شعر, غير مصنف, فكر, قصص, مقال, منوعات | أرسل الإدراج | دوّن الإدراج
يوليو 1st, 2009 at 1 يوليو 2009 11:00 م
هاى احمد يارب تكون بخير
معلش اتأخرت عليك فى تعليقاتى
بس انت عارف امتحانات الجامعه
عارف كل شئ قولته عن الثانويه العامه صح
الخوف بداخل كل انسان وفى الأخر واسطه
وكل شئ ينتهى بس الأهل ميعرفوش كده
لازم من النجاح حتى الدمار
تحياتىىىىىىىىىىىىىىى
بسبووووووووووووووسه
يوليو 2nd, 2009 at 2 يوليو 2009 6:50 ص
ازيك يا احمد
قلبت عليا المواجع بالبوست ده
لسه معدية على مدرسة التهارده الصبح وافتكرت ايام الثانوية العامة واول حاجة جت فى بالى انى قلت: كانت ايام سودة الله لا يرجعها أيام الامتحانات طبعا لكن الايام التانية كانت لذيذة
ايييييييييه ألا ليت الشباب!
يوليو 2nd, 2009 at 2 يوليو 2009 11:36 ص
مساء الورد او صباح الورد يا احمد المبدع وشكرا على تعليقك الجميل عندي ورغم ان مرحلة الثانوية العامة مريت علينا من زمان الا انك رجعتنا للحظات جميلة جدا بحلاوتها ومرها
يوليو 2nd, 2009 at 2 يوليو 2009 11:52 ص
تصدق ومن غير حلفان الناس الغالية المميزة عندي بيحصل بيني وبينها عملية توارد خواطر عجيب امبارح اول امبارح كنت لسة عندك وبما اني ما ليش في الكرة قلت كفاية اننا نطمن عليك ويارب تكون الامتحانات بخير
يوليو 3rd, 2009 at 3 يوليو 2009 2:45 م
طوز في الثانوية العامه الف مررررررررررررررة
ازيك يااحمد
عموما انا مش مريت بيها ولابخوفها وقرفها لانى عارفة قدراتى
ادبي
ثم ادبي ثم ادبي اى نعم فية مدرس كان بيسمى الادبي قسم الحشرات لكن بردة عادى
بالنسبة للامتحانات والحاجات دى فلك ان تتخيل روحت امتحان التاريخ مش مذاكرة 8فصول
وجبت 91% فى الثانوية العامة
كله بالبركة !!!!!!!!!!!
صحيح انا عملت ادراج جديد لمدونتى لانى خلصت امتحانات
يوليو 3rd, 2009 at 3 يوليو 2009 11:58 م
الاخ الغالي احمد عرفه:
الثانويه العامه هي فعلا بعبع الاسره المصريه وبعبع
الطلبه لما لها من تاثير حقيقي علي مستقبل الطلبه
وتوجههم في الحياه العمليه
راجين من الله عز وجل ان يصلح الاحوال وينتهي هذا
الكابوس وتتغير نظم التعليم في مصر لتواكب متطلبات
المجتمع والتقدم العلمي والتكنولوجي العالمي
دمت اخي بكل خير
تحياتي.
يوليو 5th, 2009 at 5 يوليو 2009 11:51 م
برده وجهة نظر في الحياة
لو كل الطلبه من اعداي فاهيم كده
هتبقى حكاية
المهم ان الخسران فى الاخر
مدرسين الدورس الخصوصيه
يوليو 15th, 2009 at 15 يوليو 2009 1:47 م
شكرا احمد على الموضوع الجميل الحقيقى
ولكن بالرغم من معرفتنا ان الثانويه العامه مش نهايه الكون الا انى كام لبنت فى الثانويه العامه السنه الجايه هعمل زى كل الناس واخاف لان لازم نعمل اللى علينا واللى حيكون حيكون برغم كل شىء
شكرا لك على المعاجه الخفيفه الدم لموضوع نكد